Waxaan ka qeyb galay Tababar looga hadlaayey Tebinta Wararka Xuquuqul Aadanaha  kaasi oo ka dhacaayey Hotel Armaan oo ku yaala magalada Muqdisho,  intii u dhaxeeysay  28-30  July 2021 waxaan ku baranay aniga  iyo Suxufiyiin bdan oo ka howl-gala Idaacadaha  Telefishanada iyo Wakaaladaha qaar,

 

Inta aanu casharada bilaaban waxaa dardaaran kooban Nasiiyey Xoghayaha Guud ee SJS  Ustaad Abdalle Ahmed Mumin oo u jeedkiisu ahaa in aan si ficn u  dhuuxno casharada Macalimiinta Nasiinayaan, wuxuuna  diirada saaray in la helo Weriyaal u carbisan tebinta  Xad-gudubyada loo geysto muwaadin kasta ee Soomaaliya jooga,


Tababarka inta  uu socday waxaan isku baranay Suxufiyiin kala duwan oo leh rag iyo dumar  waxaana uu ahaa tababar aan ku baranay tebinta ,, Xuquuqda Caruurta,, Xuquuqda Haweenka,,

 

Xoojinta iyo ku dhaqanka Dastuurka gaar ahaan in Weriyaasha in si gaar ah muhiimad u siiyaan aqrinta Dastuurka, anshaxa iyo tebinta Xad-gudubyadda ka dhanka ah ee loo geysto Haweenka  ku nool Caasimada iyo gobolada dalka qaarkood,

 

Macalimiinta Casharada bixinaayey oo ay kala ahaayeen Ustaad Abuukaate  Cabdiraxmaan Xasan  oo u qaabilsanaa Qaanuunka iyo Sharciga  Dalka iyo in Weriyaasha bartaan  Qodobadda muhiimka ah ee u gaarka ah Xuquuqul Aadanaha iyo Suxufiga sida uu u adeegsan karo,

Ustaas Axmed  Maxamed oo isna ahaa Macalin si gaar ah noo baraayey Xadgudubyada ka dhanka ah iyo ku tumashada Ququuqda muwaadinka,

 

Ustaad Hinda Dahir Jama oo runtii aheyd Macalimad Xiisadeeda aan laga dhergin  marka ay ka sheekeyneyso Arimaha Xadgudubka caruurta  iyo Ku shaqeeynta Ciyaalka aan weli qaan gaarka aheyn  aniga wxuuu ii ahaa  moowduuc si gaar ah ii taabtay  oo aan markasta maanka ku hayo  ku shaqeeynta  Caruurta yar yar,

 

Casharada  ka dib Macalin walba waxaa uu lahaa su’aalo si gaar ah loo weydiinaayey  kaasi oo u badnaa Xadgudubka Haweenka iyo habka loo tebinkaro  iyada oo aan lagu xad gudbeeynin  sumcada Qofka dhibanaha  mowduucaasi oo ahaa mid  sigaar ah  loo hadal haayey   Macalimiintuna ay ka bixinayeen Jawaabo isku mid ah midba midka kale uu taabanaayey meelo muhiim ah,

 

Waxaa loo fariisanayey Koox koox  oo  ka kooban ilaa iyo Shan ruux  waxay ka shaqeeynaayeen waxaa ay ka fahmeen tebinta Xuquuqul Aadanaha , Koox aniga aan ka  ka mid ahaa waxaa si gaar ah loogu diray arimaha Qaxootiga  iyo habka ugu wanagsan ee looga warami karo  waxaan iska dooranay Koox si gaar ah ugu qaabil sanaa  soo jeedinta casharadii aan baranay,


 Macalimiintu waxay nagu amaaneen  in si wanagsan aan u shaqeeynay balse wixii naga qaldamay ismarkiiba nalaga saxay,  Waxaa loo yeeray Koox kale oo uu ku jiro Ismaaciil oo ah Weriye Araga naafo ka ah, waxaa isoo jiidatay mowduuca ay doorteen oo ahaa  dadka araga la’ in aanu helin Xuquuqda aasaasiga ah ee ay helaan dadka kale ee lixaadkooda qaba, waxaa ka  mid ah Waxbarashada Caafimaadka iyo goobaha shaqada,


Sedex maalin oo u dhiganta  30 Maalmood  ayaan ka soo baxnay  waxaana  qof kasta anaga naga mid ah uu dareemaayey is bedel weyn oo uu  keeni karo , waxaana nalagu abaalmariyey Shaado muujineysay  casharadii  aan qaadanay,

Ugu dambeyn sheekadeyda waxaan ku soo afmeerayaa  in la xoojiyo Tababarada iyo  Barashada tacliinta  sare,

Waxaan si gaar ah ugu  mahadcelinayaa Ururka Suxufiyiinta SJS oo kaalin mug leh ka qaatay tayeynta iyo Xoojinta Suxufiyiin badan oo ku nool Muqdisho,

 

WQ/ Hussein Ali Gesey

 Email: info@hgeeseey.com